المالاريا (Malaria) دى مرض بييجى للانسان لما بيتقرص من ناموسه اسمها انوفيليس فاروينسيس (الناموسه الدكر ما بتنقلش المرض بس النتايه) و بتنقل له واحد من 4 انواع م طفيليات وحيدة الخليه اللى بتسبب المالاريا.الطفيليات الاربعه بيتقال عليهم طفيليات المالاريا وهما:
§ بلازموديوم مالاريا (Plasmodium malariae)
§ بلازموديوم اوفالى (Plasmodium ovale)
§ بلازموديون فايفاكس (Plasmodium vivax)
§ بلازموديوم فالسيباروم (Plasmodium falciparum)
النوعين الاخرانيين (الفايفاكس و الفالسيباروم )هما اخطر الانواع و اكترهم فى الانتشار .المالاريا وباء منتشر فى المناطق المداريه فى اسيا و امريكا الجنوبيه و افريقا و بتقتل ما بين مليون لـ تلات ملايين بنى ادم كل سنه اغلبهم عيال صغيرين فى افريقيا.المالاريا مرض ممكن علاجه و الوقايه منه (Curable and Preventable) و المشكله الاكبر اللى بتواجه الحكومات و المنظمات الصحيه هى الفقر الشديد و عدم توافر الفلوس مع ان الادويه موجوده بس مش كل حد يقدر على تكاليفها.
No comments:
Post a Comment